Í morgin spæla okkara kvinnur næst seinasta dystin í hesum kappingarárinum. Dysturin verður leiktur í Sarpugerði í Gøtu, har Víkingur tekur ímóti.

Undan dystinum liggja okkara kvinnur á odda í meistarabólkinum 3 stig og 12 mál fleir enn NSÍ á øðrum plássi. Vinna okkara kvinnur dystin liggja tær sera væl fyri at vinna FM.

Seinast liðini bæði hittust, var í Klaksvík fyri góðum mánaða síðani, har okkara kvinnur vunnu 1-0. Víkinga kvinnurnar vóru stinnar og var dysturin ikki avgjørdur fyrrenn stutt fyri dystarenda.

Vit vóna at síggja nógvar bláar áskoðarar til dystin í morgin at stuðla okkara kvinnum.

KOYR Á KÍ !