Her sæst avgerandi playoff dysturin ímóti HJK Helsinki í UEFA Conference League
Vit fara at vísa seinna og avgerandi playoff dystin ímóti HJK Helsinki í UEFA Conference League á KÍ Varpinum. Fyrri dysturin endaði 2-2, so tað er vinnarin av hesum dystinum, sum vinnur seg endaliga í Conference League deildarspælið.
Signalgóðska og upplivingin hjá fjepparunum
Í seinasta dysti í Banja Luka vóru stórir trupulleikar við signalinum, ið vit fingu sendandi. Tað var tíverri galið við tí signalinum, sum kom inn, og vit gjørdu beinanvegin vart við tað, men hóast royndirnar, bleiv tað ikki betri. Hesir trupulleikar vóru uttanfyri okkara ávirkan, og vit eru sera hørm um, at fjeppararnir ikki fingu ta uppliving, sum vit ynsktu at bjóða.
Til dystin í kvøld hava vit tó tryggjað okkum, at signalgóðskan er í topp. Dysturin verður vístur í full HD myndagóðsku, so tit kunnu njóta eina klára og góða uppliving av avgerandi dystinum.
Góð ráð til áskoðararnar
Minst til at tryggja, at internetsambandið hjá tær er gott, og at onki annað í húsarhaldinum brúkar alla ferðina, so tú fært best møguligu stroyming av dystinum.
Regin Sivertsen verður Vertur
Regin Sivertsen verður aftur vertur fyri sendingini, og við sær hevur hann Eyðun Klakstein sum viðmerkjara.
Dysturin sæst í Føroyum, Norra og Danmark
Dysturin verður vístur beinleiðis í Føroyum, Norra og Danmark. Setið tykkum væl til rættis og fylgið við, tá ið KÍ stríðist fyri einum plássi í Conference League deildarspælinum. Tað verður eitt kvøld við stórum spenningi, og vit vóna, at tit øll vilja vera við!
Dystur byrjar kl 17.00 føroyska tíð.