![](/upload/cache/images/3201-3400/c07a63dce7e3781f2c191300d37a20fa2f017686_w1920_h840_fC_ha50_va50_afp1.jpg)
![](/upload/cache/images/3201-3400/c07a63dce7e3781f2c191300d37a20fa2f017686_w1920_h540_fC_ha50_va50_afp1.jpg)
KÍ hvessir álopið
Sáttmáli er gjørdur við 23 ára gamla normannin Joseph Michael Williams
Joseph kemur frá Arendal, sum spælir í Post Nord-Ligaen. Joseph hevur verið við í fýra dystum á norska U18 og U19 landsliðnum og yvir 130 dystir í vaksnamannadeildum herav 27 í Eliteseriuni.
- Eg eri sera fegin um aftur at samstarva við Joseph M. Williams. Hann hevði longu sum 18 ára gamal sín fyrsta dyst í Eliteseriuni og hevur roynt seg á U-landsliðum. Eg var við til at fáa hann til Gjøvik/Lyn í fjør, har hann vísti sítt máltev við 10 málum í 13 dystum. Hann er ógvuliga sterkur kropsliga, dugnaligur taka ímóti bóltinum og kvikur í framrættaðum leiki. Nú gleði eg meg til at fáa hann í KÍ-hópin, har vit fara at arbeiða við at fáa útloyst hansara evnaríku eginleikar, sigur Espen Haug, venjari.
Sáttmálin við Joseph er til og við 2026. Hann er komin til Klaksvíkar í kvøld og venur við hópinum í morgin.