16. des 2023
Landsliðsleikari til KÍ
Kvikur, arbeiðssamur og skal styrkja álopið
Eftir eitt kappingarár á Akureyri hevur 25 ára gamli skálvíkingurin Pætur Joensson Petersen valt at venda heim og vera partur av meistarliðnum komandi tvey árini.
Pætur spældi sín fyrsta dyst í meistaradeildini longu í 2015. Hevur spælt á øllum landsliðum og er síðstu tvey árini úttikin til A-landsliðið.
Pætur er ein kvikur og arbeiðssamur leikari, sum einamest hevur leikt sum vongur og áleypari.
- Vit í KÍ vænta okkum nógv av Pæturi og ynskja honum vælkomnan í bláu troyggjuna.