Við hesum verður søkt eftir ágrýtnum, fysiskum venjara til besta mansliðið hjá KÍ kappingarárið 2024 at byrja 1. januar 2024.

Sum fysiskur venjari hjá KÍ arbeiðir tú í einum professionellum fótbóltsumhvørvi og venjaratoymi. Tú hevur ábyrgdina av kropsligu venjingini og menningini hjá hvørjum einstøkum spælara, eins og tú verður við til at taka avgerðir í gerandisdegnum.

Vit vænta:

• At tú hevur útbúgving innan fyri ítrótt, fysioterapi ella líknandi og royndir sum
  fysiskur venjari
• At tú dugir væl at fyrireika og at standa fyri venjingum
• At tú ert fevnandi og íðin eftir at skapa trivnað, menning og úrslit
• At tú hevur lætt við at samstarva og samskifta við spælarar, venjarar og onnur
• At tú megnar at arbeiða sjálvstøðugt, tolir skiftandi arbeiðstíðir og dugir væl at leggja
  arbeiði til rættis

Og vit vænta eisini, at tú hevur holla vitan um:

• Fysiska venjing sum heild bæði til venjingar og dyst
• Styrkivenjingar og úthaldni ætlað fótbólti
• Skaðafyribyrgjandi venjingar og uppvenjingar eftir skaða
• Hvussu einstaklinga venjingarætlanir verða lagdar til rættis
• Hvussu GPS tøl skulu handfarast

Ljóðar hetta spennandi, og vilt tú vita meira um starvið, kanst tú seta teg í samband við
høvuðsvenjaran Magne Hoseth á tlf 580130 ella á magne@ki.fo

Starvið verður í fyrstu syftu sett fyri kappingarárið 2024, starvsbrøkur og løn eftir avtalu.

Umsókn við lívsrensli og prógvum skulu sendast til magne@ki.fo so skjótt sum til ber og í
seinasta lagi 10. desember.