01. jul 2021
KÍ skrivað sáttmála við tveir ungar leikarar
Tveir ungir KÍ leikarar hava í kvøld undirskrivað sín fyrsta sáttmála við KÍ.
Talan er um 18 ára gamla Símun Kalsø og 17 ára gamla Dávid B. Andreasen. Teir eru báðir uppvaksnir í felagnum og tað gleðir okkum at teir nú taka næsta stigið og vera fastur partur av Betri hópinum.
Dávid B. Andreasen hevur longu fingið sínar fyrstu minuttir á vøllinum og er uppskrivaður fyri 15 min. og 1 mál í Betri deildini. Símun Kalsø sum er beiggi at fyrrverandi KÍ leikarunum Steffan og Sørmund Kalsø, hevur enn sínar fyrstu minuttir til góðar.
Teir vera báðir við í hópinum sum fer til Letlands týsmorgunin at spæla UEFA Conference League.
Vit ynskja teimum hjartaliga tillukku við sáttmálanum og bestu eyðnu í bláu blusuni.