Tað verður sviin, Jens Wedeborg, sum kemur at starvast í KÍ Akademinum sum U15 og U17 venjari. Hann er 41 ár, universitetsútbúgvin í fysiologi, UEFA-Pro-prógv og altjóða royndir.

Hann hevur millum annað verið hjálparvenjari hjá FK Riterai í Litava, sum KÍ spældi Europa League ímóti í 2019. Hann var eisini høvðusvenjari hjá teirra U21 liði.

- Hetta er ein sera spennandi venjari, sum kemur við nógvum royndum til akademiið. Jens fer at hava dagligu ábyrgdina av tveimum teimum mest krevjandi árgangunum í akademinum. Tað er í U15 og U17, at leikarar skulu arbeiða við skiftinum frá at vera ungdómsleikarar til at klára seg á besta liðnum hjá KÍ, sigur Glenn Ståhl, akademistjóri.