Heini Vatnsdal til KÍ!

25. juli 2020

Í dag kunnu vit avdúka, at Heini Vatnsdal framyvir fer at leika fyri KÍ. Heini kann røkja pláss bæði á miðjuni og í verjuni.

Heini er suðuroyingur, men valdi í 2013 at skifta til HB í Tórshavn. Stutt eftir fekk Heini debut á A-landsliðinum, tá Føroyar leiktu ímóti Írlandi á útivølli tann 7. Juni 2013.

Í 2015 valdi Heini at fara niður til Keypmannahavn í lestrarørindum, har hann skrivaði undir við Fremad Amager. Fremad Amager spælir í næstbestu deildini í Danmark.

Heini hevur seinastu tíðina havt eitt ynski um at flyta heim til Føroyar, og hevur nú undirskriva sáttmála við KÍ.

Heini Vatnsdal er skrásettur fyri 99 dystir í Betri Deildini og 19 A-landsdystir sambært Faroesoccer.

Sáttmálin ímillum Heina og KÍ er galdandi fram til desember 2022.

Vit ynskja Heina hjartaliga vælkomnan í felagið og góða eydnu í KÍ blusuni!


Seinastu tíðindi

KÍ skal spæla ímótir SK Slovan Bratislava
09.08.2020
Heini Vatnsdal til KÍ!
25.07.2020
KÍ tryggjar seg á málmanspostinum
17.07.2020
KÍ hevur gjørt sáttmála við nýggjan miðvallara
12.07.2020
Dávid Langgaard gjørt nýggjan sáttmála við KÍ
16.06.2020