Klassikarin í føroyskum fótbólti!

26. august 2019

Sunnudagin koma havnamenn úr HB á vitjan í Klaksvík. Hesin dysturin verður vanliga róptur tann føroyski klassikarin. Hetta kemur frá tíðini, har HB og KÍ vóru absolutti toppurin í føroyskum fótbólti. Eisini kemur hetta av uppgerðini ímillum Tórshavn og Klaksvík.

Júst hesin klassikarin hevur nógv at siga. Tapa klaksvíkingar, so er FM brádliga langt vekk. Tapa havnamenn hinuvegin, so er FM stríðið hjá teimum av.

HB møta upp við einum góðum 3-1 sigri á Víkingi í kuffertinum. Tá var tað Adrian Justinussen, sum við hattrikki, skoraði øll málini fyri HB.

KÍ møta upp við einum 1-0 sigri á EB/Streymi í mentu. Eisini kann væntast, at klaksvíkingar eru eyka uppsettir at endiliga vinna á HB aftur. KÍ og HB hava í ár leikt fýra dystir, tveir eru endaðir við javnleiki og tveir eru endaðir við sigri til HB.

Lagt er upp til ein óvanliga spennandi dyst, har bæði liðini eru noydd at fara eftir sigrinum.
Tórshavn ella Klaksvík?

Atgongumerki kunnu keypast HER

Góðan dyst øll somul!


Seinastu tíðindi

Aðalfundur hjá KÍ
11.01.2020
Gleðilig Jól
23.12.2019
Bylgju Cup 2019
23.12.2019
KÍ´arar trívast á landsliðunum
19.12.2019
KÍ og Mikkjal leggja 3 ár afturat
17.12.2019