U21 landsliðsleikari nýggjan sáttmála við KÍ

17. juni 2017

KÍ hevur í dag gjørt nýggjan 2-ára sáttmála við U21 landsliðsleikara.

Talan er um 18 ára gamla verjuleikaran Ólav Niclassen. Ólavur fekk sínar fyrstu minuttir á besta liðnum í fjør og í ár hevur hann fingið størri leiklut við meiri spælitíð. M.a. var hann millum teir mest eyðsýndu á KÍ liðnum, sum í gjár spældi 2-2 javnleik í Runavík.

-Eg valdi at skriva undir við KÍ, fyrst og fremst tí eg trívist sera væl í felagnum og havi tað sera gott her. Eg eri jú uppvaksin í KÍ, so tað var mest sum ein sjálvfylgja at skriva undir. Eg eri sera stoltur og glaður fyri, at kunna umboða barndómsfelagið,segði Ólavur Niclassen eftir at sáttmálin var undirskrivaður.

Í síðstu viku fekk Ólavur debut á U21 landsliðnum, sum spældi ímóti Litava. Ólavur er skrásettur fyri 11 landskappingardystir í Effodeildini og merkisvert er, at hann enn ongantíð hevur roynt at tapt ein dyst. Sáttmálin er galdandi fram til og við kappingarárið 2019.

 


Seinastu tíðindi

U21 Landsliðið er úttikið við fýra KÍ leikarum
22.05.2018
Mikkjal er mest vinnandi KÍ venjarin nakrantíð
22.05.2018
Aksel B. Danielsen skjeyt sítt fyrsta mál í Betri Deildini
22.05.2018
Upptakt: AB - KÍ 11 umfar
19.05.2018
KÍ skal út á Argir 2. Hvítusunnudag
18.05.2018