Jóannes og Jóannes eisini longt sáttmálan

29. juni 2017

KÍ hevur gjørt sáttmálar við tveir av yngru lokalu leikarunum fyri komandi kappingarárini

20 ára gamli Jóannes Bjartalíð krevur kanska ikki so neyva lýsing, tí tey flestu kenna hansara dygdir, ið hava gjørt, at hann bæði í 2015 og 2016 var valdur til ársins unga leikara í Effodeildini. Jóannes hevur bæði skorað og lagt upp til nógv mál, síðani hann í 2015 byrjaði at spæla í bestu deildini. Fyrr í ár var hann eisini fyri fyrstu ferð á A-landsliðnum til ein undankappingardyst. Jóannes hevði sáttmála til og við kappingarárinum 2018, men við nýggja sáttmálanum er kappingarárið 2019 lagt afturat avtaluni.

 

19 ára gamli Jóannes K. Danielsen hevur verið partur av besta liðnum hjá KÍ í nøkur ár hóast sín unga aldur. Men fyrst og fremst hevur hann gjørt um seg á næstbesta liðnum og U18 liðnum. Fer ein inn at hyggja eftir hansara profili á FaroeSoccer, so telist hann millum vandamiklastu leikararnar í hesum báðum deildunum. Í U18 kappingini, har hann tó ikki longur hevur aldur til at spæla, skoraði hann 25 mál í 34 dystum. Í 1.deild er hann skrásettur fyri 31 mál í 46 dystum. So talan er um sannførandi avrik á so ungum aldri. Enn bíðar gjøgnumbrotið á besta liðnum, men har er hann higartil skrásettur fyri 11 landskappingardystir og ein steypadyst. Jóannes K. Danielsen hevur gjørt sáttmála fyri kappingarárini 2018 og 2019


Seinastu tíðindi

Liðskiparin á U21 landsliðnum spælir í 2018 við KÍ
15.11.2017
Oddur nýggjur ungdómsvenjari
07.11.2017
Tann óhoyrdi ágangurin
26.10.2017
Hesi blivu ársins bestu hjá KÍ
26.10.2017
Tveir ungir KÍ leikarar gjørt sáttmála
26.10.2017