Ungdómur

Felagið er av teirri áskoðan, at menningin av tí einstaka leikaranum skal vera harmonisk og skal vera eitt úrslit av eini skipaðari og tilrættislagdari venjing og innlæring, tillagað teim einstøku aldursbólkunum. Stuðlast skal upp undir menningina av leikaranum, heldur enn at leggja trýst á leikaran at útinna stór ítróttaravrik.

Felagið hevur skipað venjingina í yngru deildunum í tveir bólkar: Barnavenjing (5 - 12 ár) og Ungdómsvenjing (13 - 19 ár)

Bláabók er eitt týðandi amboð til venjarar og leiðslu, sum útgreinar læruætlan og onnur viðkomandi viðurskifti í felagsarbeiðinum.

Felagið ásannar, at tað eru nógvir góðir leikarar í yngru deildum felagsins, og fyri at stuðla teimum góðu í at gerast enn betri skipar felagið fyri talentvenjing, har bestu leikararnir í ávísum árgangum fáa servenjing.